sábado, 19 de xullo de 2014
venres, 11 de xullo de 2014
Manifestación anti-represiva (sábado 12 de xullo)
Baixo o lema 'reprímennos a nós para asustarte a ti' a 'Plataforma contra a represión' chama a manifestarse o sábado 12 de xullo ás 20h con saída dende a Praza de María Pita. A máis represión, máis mobilización!!
mércores, 2 de xullo de 2014
I Festival da Revolta
O diñeiro recadado será para que o delegado do CEL Coruña poida asistir
ao Congreso Estudantil Libertario (14, 15 e 16 de xullo en Madrid), para
o colectivo Revolta e para axudar na reconstrución do centro social Can
Vies (barrio de Sants, Barcelona).
martes, 24 de xuño de 2014
Xornadas da Revolta
Xoves 26 - CNT (Rúa Washington 36 baixo || Monte Alto, Coruña)
16h - Pedagoxía libertaria [por Jaime García de CEL Coruña]
18h - Presentación do Proxecto Integral da Coruña
Venres 27 - CS Gomes Gaioso (Rúa Marconi 9 baixo || Monte Alto, Coruña)
17:30h - Reintegracionismo [por Xavier Rodrigues de AGIR]
20H - Micromachismos nos movementos sociáis [por Iria Zas de Feministas Autónomas]
sábado, 21 de xuño de 2014
21 xuño: Rodea o parlamento
Revolta estivo presente en Compostela no 'Rodea o parlamento' do 21 de xuño, enchendo as súas rúas de
dignidade:
dignidade:
mércores, 4 de xuño de 2014
En defensa dos espazos autoxestionados (venres 13 de xuño)
Convocada concentración para o venres 13 de xuño en defensa dos espazos autoxestionados. Espazos que serven como ferramentas contra o capitalismo e a opresión que sufrimos diariamente.
A concentración será ás 19h no Obelisco. Agardámoste!!
A concentración será ás 19h no Obelisco. Agardámoste!!
sábado, 24 de maio de 2014
mércores, 14 de maio de 2014
TODOS CON PEPITA E CONTRA A REPRESIÓN
Manifesto da 'Plataforma pola absolución de Pepita e contra a represión':
Defender ás presas e presos políticos non é un delito!
O
pasado mes de Marzo, Pepita Seoane Vaz recibiu unha notificación na que
se lle insta a comparecer nos xulgados da Coruña o próximo 12 de Xuño
en calidade de imputada. Nela, a Audiencia Nacional, Tribunal Político,
acusa a Pepita de “un posible delito de enaltecemento do terrorismo” por
unhas declaracións súas ao diario El Mundo que foron publicadas o 7 de
xullo de 2013 co título de “Nin a nai nin os fillos GRAPO arrepíntense”.
Unha pseudo entrevista na que todas as preguntas perseguían obter de
Pepita a “condena do terrorismo” e a súa “solidariedade coas vítimas”,
táctica moi recorrente que os xornalistas a soldo do Estado utilizan
para poñer a disidencia no punto de mira da represión.
Un novo ataque contra o movemento de solidariedade
Fai
xa anos que, dende o movemento pro-amnistía, vimos denunciando o empeño
do Estado en rematar con calquera xesto de solidariedade cos presos e
presas políticas a través de todo un arsenal de leis que castigan, entre
outros feitos, cousas como portar as súas fotos en manifestacións ou
realizarlles homenaxes. Unha campaña que comezou coas ilegalizacións de
organizacións como Xestoras Pro-Amnistía ou os Comités por un Socorro
Roxo Internacional e que non só non foi a menos senón que se mantivo e
se agrava día a día co aumento do descontento e a protesta social. Non é
a primeira vez que dende os medios de comunicación relacionan aos
presos políticos cos manifestantes do Gamonal, 22 M, asi como con todo
tipo de protesta social para acusalos a todos e todas de “terrorismo”.
Tampouco
é casual que a imputación de Pepita por “enaltecemento do terrorismo”
cadre precisamente no tempo coa derrogación da coñecida como “Doutrina
Parot”, a saída do cárcere a do seu fillo Suso Cela Seoane e a súa
homenaxe e a de outras dúas ex-presas políticas galegas: Aurora Cayetano
e Iolanda Fernández, todo vinculado a sua loita continua na defensa de
todolos presos políticos. Estes acontecementos situaron ao noso COMITÉ e
moi especialmente a Pepita no centro dos ataques da prensa, chegando a
sinalala dende as súas páxinas como “a matriarca ideóloga dos GRAPO”.
Máis de trinta anos de loita polos dereitos dos seus fillos e todos os presos
Moita
xente na nosa cidade, no noso pobo e mesmo no resto do Estado coñecen a
historia de Josefa Seoane Vaz. Neta, filla e esposa de garda civil, a
nosa Pepita rachou con boa parte do seu ámbito tras a primeira detención
e torturas que sufriu o seu fillo Paco alá polos primeiros anos 80.
Detencións, torturas e encarceramentos que se irían sucedendo e que
afectarían aos seus tres fillos: Paco máis de 30 anos de cárcere -e
aínda segue sumando- Suso 28 e mesmo Carlos que pasou pasou 10 meses en
prisión por un presunto delito de “colaboración con banda armada” polo
que nunca chegou a celebrarse ningún xuízo.
Varias
décadas durante as cales Pepita non deixou nin por un momento de
acompañar e sobre todo denunciar a situación tanto dos seus fillos como a
dos seus compañeiros e compañeiras presas. Presos políticos
maioritariamente pero tamén presos sociais. É por isto polo que esta
incansable loitadora gañou de sobra o título de ser a nai de moitos
outros presos e presas. Practicamente non hai cárcere do Estado Español á
que Pepita non fora ver algún detido ou detida. Miles e miles de cartas
escritas do seu puño e letra para facer chegar a súa solidariedade, a
solidariedade da rúa, do pobo traballador, cos seus presos e presas.
Un referente do movemento de protesta na rúa
Mais
Pepita non é coñecida unicamente entre os presos e presas, tamén o é, e
moito na rúa, por estar sempre aí, en todas as manifestacións, charlas e
actos no que se expresa a voz dos oprimidos. Ducias e ducias de
mobilizacións e actos de todo tipo nos que esta muller segue
participando para denunciar as inxustizas do sistema capitalista. Dende o
movemento veciñal, de parados, contra os recortes, pola defensa dos
dereitos dos traballadores ata o movemento insubmiso, ocupa ou o
feminista. Pepita non deixou de estar nunca “na primeira liña da fronte”
e iso a pesar do delicado estado de saúde e os seus actuais 75 anos.
O Estado quere apagar as voces críticas
É
obvio que estamos ante un intento de meterlle medo non só a Pepita
senón -e principalmente- ao conxunto de movemento de solidariedade coas
persoas presas e máis en xeral a todos os que dunha ou outra forma se
enfrontan ao Estado. É por iso polo que os xuíces non dubidan en facer
pasar polos tribunais a unha muller de idade tan avanzada á que pouco ou
nada pode asustar unha ameaza de dous anos de cárcere polo tal
“enaltecemento do terrorismo”. Do que se trata é de castigar o exemplo
de coraxe e dignidade dunha nai que non ten renegado dos seus nin
tampouco das ideas dos seus fillos. Por que esa coraxe e esas ideas son,
en definitiva, o motor que levaron a Pepita a converterse nesa muller
que non cala ante ninguén, nin sequera cos periodistas-policias de El
Mundo e outros medios de desinformación da súa mesma ralea.
“Se tocan a Pepita tócannos a todas”
Con
este titular un Colectivo Feminista da nosa cidade recollía o sentir
xeneralizado que se produzo entre nós ao coñecer a noticia da imputación
de Pepita. Tócannos a todos por que nela golpean de fronte aos nosos
dereitos máis elementais, como o é o dereito a expresarnos libremente
sen que a ninguén se nos poida meter no cárcere por iso. Tocan o dereito
á solidariedade e o dereito á protesta.
Son,
polo tanto, tamén os nosos dereitos os que debemos defender apoiando a
Pepita, mobilizándonos para pedir a súa libre absolución. Do mesmo xeito
que debemos defender a todas as verdadeiras vítimas do terrorismo: os
centos de mallados, mutilados e detidos nas últimas manifestacións
contra a crise económica; os que levan décadas no cárcere polo seu
compromiso políticos e os que mozos e mozas que hoxe están a ser
igualmente castigados con prisión por enfrontarse á policía nas rúas de
todo o Estado.
Non máis represión, Pepita Absolución!
É
por todo o anterior e por moitas outras máis cousas polo que dende a
PLATAFORMA POLA ABSOLUCIÓN DE PEPITA E CONTRA A REPRESIÓN solicitamos o
apoio activo de todos os colectivos da cidade, da Galiza e do resto do
Estado para con esta muller. Mobilizacións que culminarán cunha
Concentración diante dos Xulgados da Coruña o próximo 12 de xuño ás
10,00 H e para a que queremos aglutinar ao maior número de xente posible
co fin non só de conseguir a libre absolución de Pepita, se non de
parar este novo atropelo e evitar na medida das nosas forzas outros
futuros.
Extraído de 'Comités de solidariedade'.
martes, 29 de abril de 2014
Concentración feminista Venres Santo (18/4/'14)
Manifesto lido na concentración feminista do venres 18 de abril de 2014 convocada por Revolta, CEL Coruña e Acción Antifascista Coruña (AAC):
'Boas compañeirxs, unha vez máis
reunímonos aquí para non deixar caer no esquecemento as mulleres
mortas a mans da violencia machista. Nesta data sinalada no
calendario da Igrexa Católica, seita que leva denigrando e
infravalorando a muller durante séculos, chamamos a loitar contra
esta represión inxustificada, a combater o patriarcado e a lograr a
igualdade entre xéneros.
Un só día ao ano non é suficiente
para recordar a todas aquelas loitadoras, coma as 120 mortas na
fábrica de Nova York, e actualmente a morea de mulleres que padecen
a violencia machista; A loita son os 365 días ao ano, e en cada
festividade patriarcal coma estas festas estaremos aquí para
recordalo.
Estamos fartxs de que dende que
chegamos ó mundo se nos ensine a que o normal sexa que un ser humano
teña que axustarse a un prototipo. Prototipos que implican ser un
simple manequín cun determinado corpo e monicreques desta sociedade.
Non queremos ser meros manequíns na
publicidade, onde moitas veces se nos representa nunha posición de
inferioridade e dependencia, mostrando o noso corpo coma un obxecto
sexual.
Non queremos escravas sumisas desta
destrutiva sociedade que aínda nos fai crer que iso do machismo e a
inferioridade da muller xa está erradicado.
Non queremos os teus piropos, nin ser
consideradas inferiores por ninguén, queremos o teu respeto e o teu
apoio na loita por conseguir a verdadeira igualdade entre homes e
mulleres.
Debemos loitar por un mundo onde
sexamos socialmente iguais, humanamente diferentes e totalmente
libres.'
domingo, 6 de abril de 2014
Máis represión, máis loita social!
luns, 31 de marzo de 2014
Comunicado conxunto sobre Folga 26M-27M e o SdE
Revolta e o CEL Coruña
decidimos secundar dunha maneira crítica a folga convocada en todo o
Estado español polo Sindicato de Estudantes para os días 26 e 27 de
marzo e acudimos á manifestación da Coruña que tivo lugar ás
12:00h na Praza da Palloza o día 27 de marzo.
Non consideramos esta
folga tal e como está plantexada un avance nin unha ferramenta de
loita para a clase obreira senón como un elemento desmobilizador.
Desmobilizadora como as múltiples folgas convocadas polo SdE nas que
non se ten en conta ao estudantado e nas que non se logra nada máis
que dar un paseo, minando a moral dos que acuden a estas
manifestacións. Tamén queremos sinalar que todo aquel que non fai o
que o SE ordena nas súas manifestacións debe aterse ás
consecuencias, como ser expulsado da manifestación (algo que lle
ocorreu á CNT en Madrid o 27 de marzo de 2014) ou que chamen á
policía se a xente decide pasar á acción (como en Vigo na folga do
20 de novembro de 2013).
O SdE é unha organización
cunha estrutura totalmente vertical e que percibe decenas de miles de
euros en subvencións por parte do Estado español, curiosa forma de
combater ao Estado e de ser revolucionario a do SdE. Tanto pola súa
ideoloxía reformista como por estes lazos, o SdE non ten ningunha
intención de suplantar o sistema de explotación capitalista,
sistema que só poderá superarse mediante o estalido revolucionario.
Na pasada manifestación
do día 27 berramos alto e claro o que é o Sindicato de Estudantes
con cánticos como: “Sindicato do Estado, mercenarios e chivatos”.
POR UN MOVEMENTO
ESTUDANTIL COMBATIVO E DE CLASE!
venres, 14 de marzo de 2014
Palavea resiste!!
>Comunicado da asemblea do C.S.O. Palavea:
"Dende a asamblea do CSO Palavea queremos difundir o seguinte comunicado:
O Xulgado acaba de fixar a data límite para que abandonemos o edificio do Centro Social Okupado de Palavea. O vindeiro luns 17 de marzo a partir das 12 hs a policia nacional poderá desaloxar este espazo liberado que moitos de vos coñecedes.
Dende a asamblea da okupa facemos un chamamento ós rebeldes e solidarios a que veñades a resistir connosco contra os envites do capitalismo depredador, na súa procura de rematar co noso proxecto autoxestionado en aras da especulación urbanística e dos intereses financeiros dos ricos e poderosos. Por iso chamamos a ACUDIR O LUNS 17 ÁS 10:00 Á PORTA DO C.S.O. PALAVEA A RESISTIR CONTRA O DESALOXO deste o noso (e o voso) espazo liberado.
Para festexar a nosa rebelde desobediencia desenvolveremos dende agora e ata rematar esta fin de semana as Xornadas de Resistencia, con variadas actividades lúdicas, concertos, encontros e palestras. E xusto ao remate das mesmas, na mañá do luns, prantaremos cara xunt@s aos envites da xustiza do capital.
OKUPAMOS E RESISTIMOS
CONTRA O ESTADO E O CAPITAL, LOITA SOCIAL!!!"
O Xulgado acaba de fixar a data límite para que abandonemos o edificio do Centro Social Okupado de Palavea. O vindeiro luns 17 de marzo a partir das 12 hs a policia nacional poderá desaloxar este espazo liberado que moitos de vos coñecedes.
Dende a asamblea da okupa facemos un chamamento ós rebeldes e solidarios a que veñades a resistir connosco contra os envites do capitalismo depredador, na súa procura de rematar co noso proxecto autoxestionado en aras da especulación urbanística e dos intereses financeiros dos ricos e poderosos. Por iso chamamos a ACUDIR O LUNS 17 ÁS 10:00 Á PORTA DO C.S.O. PALAVEA A RESISTIR CONTRA O DESALOXO deste o noso (e o voso) espazo liberado.
Para festexar a nosa rebelde desobediencia desenvolveremos dende agora e ata rematar esta fin de semana as Xornadas de Resistencia, con variadas actividades lúdicas, concertos, encontros e palestras. E xusto ao remate das mesmas, na mañá do luns, prantaremos cara xunt@s aos envites da xustiza do capital.
OKUPAMOS E RESISTIMOS
CONTRA O ESTADO E O CAPITAL, LOITA SOCIAL!!!"
xoves, 20 de febreiro de 2014
20F Folga Estudantil
Aprobeitamos tamén para solidarizárnos cos estudantes que sufriron a brutalidade policial en Santiago de Compostela e Vigo.
Panfleto. |
Foto da manifestación. |
domingo, 2 de febreiro de 2014
Video e fotos da manifestación do 17 de xaneiro
O pasado 17 de xaneiro saímos ás rúas xunto con CEL na manifestación convocada por Acción Antifascista Coruña (AAC) para solidarizarnos coa xente de Gamonal (barrio de Burgos) e para protestar contra as leis reaccionarias:
Video da manifestación. (via Galiza Contrainfo):
Video da manifestación. (via Galiza Contrainfo):
Imaxen via @Eloytp |
Imaxen via @CELCorunha |
Imaxen via @Twivvan |
Subscribirse a:
Publicacións (Atom)